أغنية مصر قريبة غناء .. محمد منير - أنغام - بندر سعد - فايز السعيد - بلقيس - نوال
الأوبريت من إخراج تامر مهدى ، حيث يشارك في الأوبريت مجموعة من نجوم مصر والوطن
العربى ....
آسر ياسين - لطفي لبيب - غادة عادل - محمد لطفي - يوسف الشريف - حسن الرداد - إيمي سمير غانم - سوسن بدر - عمرو يوسف - ماجد المصري- كندة علوش - محمد هنيدي - شريف منير - عزت أبو عوف - صلاح عبدالله - أحمد رزق - صبري عبدالمنعم - أروى جودة - سمير غانم - دلال عبدالعزيز - سامح حسين - و صوت نور الشريف
كلمات اغنية مصر قريبة :
في مصر الحضن اللي عاش يكسر بينا الحدود
مسير الغايب يعود وتلمس ايده الحيطان
مصر قريبة واوام يدوب جواها الغريب
ما بالك وانت القريب اخويا وصاحب مكان
وانت ماشي في مصر شايف ألف ضحكة بتناديك
وانت ماشي في مصر عارف انها فرحانة بيك
قولي فين الغربة وانت وسط اهلك مش بعيد
ده الفرح لو زار ديارك يلقى جوه ديارنا عيد
يلقى ساعة الشدة ايد
سالمة يا سلامة روحنا وجينا بالسلامة
سالمة يا سلامة روحنا وجينا بالسلامة
نهار وليل مصر صاحية تفارق فيها النوم
تقابل ناس بالمحبة تزيد الشوق يدوم
فى مصر تقول 100 صباح الفل عليك حبيبى ياغالى
لسان الناس بالكلام الحلو ينقط سكرحالى
كل شى فيها طيب فيها حاضر فيها طيب
فيها يتلاقوا الأحبة وبين قلوب الناس تطيب
نهار وليل مصر صاحية تفارق فيها النوم
وانت ماشي في مصر شايف الف ضحكة بتناديك
وانت ماشي في مصر عارف انها فرحانة بيك
سالمة يا سلامة روحنا وجينا بالسلامة
سالمة يا سلامة روحنا وجينا بالسلامة
بلاد الخير و شايلة ضيوفها فوق الرآس
يا مرحب بيك قد القول واجدع ناس
تعالى اقعد منور ،هاتله واحد شاي
ولازم تشرب كلمه فـ نكته ده احنا بقينا عشرة خلاص
ابدأ منين دا العشق؟ مين عن هواها يستغنى؟
وفي القليل توصف كرمها كأنها الجنة
جامعة الحبايب والجيران مفيهاش غريب عني
اسهر يا ليل غني يا عين قسم وسلطني
مصر قريبة وأوام يدوب جواها الغريب
ما بالك وانت القريب اخويا وصاحب مكان
آمان وسلام ما نعرف خصام طريق المحبة دليل
في مصر تشوف تاريخ حكاوي الزمان وقعدة في قرب النيل
تنسيك هموم الدنيا تصفي القلوب وتبوح
صديقة وحبيبة وصادقة واجمل كيان و روح
شوف نفس ملامح والوجوه العقل يحتار و يتوه
والعين ما تقدر تفرق ابداً مابين عربي واخوه
آمان وسلام ما نعرف خصام طريق المحبة دليل
آمان وسلام ما نعرف خصام طريق المحبة دليل
في مصر الحضن اللي عاش يكسر بينا الحدود
مسير الغايب يعود وتلمس ايده الحيطان
وانت ماشي في مصر شايف الف ضحكة بتناديك
وانت ماشي في مصر عارف انها فرحانة بيك
الف ضحكة بتناديك قريبة و فرحانه بيك
الف ضحكة بتناديك قريبة و فرحانه بيك
في مصر ,, كل الوشوش تعرفها ,, مصر قريبة